Í ágúst byrjun 2025 hlaut Atendi ehf., leiðandi fyrirtæki á Íslandi í lausnum fyrir hljóð-, ljós- og myndkerfi, tvöfalda ISO vottun fyrir gæði og umhverfisstjórnun. Vottunin, sem veitt er af Scandinavian Business Certification AB, staðfestir að stjórnunarkerfi fyrirtækisins uppfylla alþjóðlegar kröfur samkvæmt ISO 9001:2015 og ISO 14001:2015.

ISO 9001 vottunin er viðurkenning á markvissu gæðaeftirliti Atendi í allri starfsemi sinni – frá innkaupum og verkefnastýringu til þjónustu við viðskiptavini. ISO 14001 vottunin staðfestir að fyrirtækið starfar með skýra áherslu á sjálfbærni og umhverfisvernd í öllum sínum verkferlum.

„Við erum stolt af þessum áfanga og teljum þetta mikilvægt skref í áframhaldandi þróun og ábyrgri þjónustu við viðskiptavini okkar og samfélagið,“ segir stjórn Atendi ehf.

Vottunin nær til allrar starfsemi fyrirtækisins á sviði sölu og þjónustu á hljóð-, ljós- og myndbúnaði. Skírteinin eru gild til júní 2028 og eru til marks um skuldbindingu Atendi til að viðhalda háum gæðastöðlum og draga úr umhverfisáhrifum.